冊名哪吒鬧東海歌
編者未知
出版社台北黃塗活版所
出版年1928
篇名上本

顯示 的款式: <xml>goan5-be2</xml> 倒爿漢字 正爿台羅字 Lô-má-jī 漢字 Lô-má-jī漢字 漢字Lô-má-jī
Lô-má-jī 是
漢字是

李靖 帶在 陳塘關
仙法
下凡
紂王 霸關

Lí-tsīng tuà-tī Tîn-tông-kuan,
Ū o̍h sian-huat tshoo buē uân,
Tōo Huī kiò i khí hā-huân,
Khì Tiū-ông i pá-kuan.

師父
五行符
騰雲 駕霧
武藝 歸身軀

Tsīng sai-hū Tōo Huī su,
Ia̍h ū i ngóo-hîng-hû,
Koh ē thîng-hûn kah kà-bū,
Bú-gē o̍h kah kui-sin-khu.

鎮守 總鎮
因某 呌作 殷夫人
致未 身孕
哪叱 投胎

Tsīng tìn-siú tsò tsóng-tìn,
In-bóo kiò-tsò un-hu-lîn,
Tsiah khì tih-beh ū sin-īn,
Lô-tshia tâu-thai i ê sin.

哪吒 出世
即是 玉帝 靈珠兒
因母 花喜
三年 六月

Beh kóng Lô-tshia lâi tshut-sì,
Tsiah-sī Gio̍k-tè lîng-tsu-lî,
In-bú tann to̍h ku hue-hí,
Sann-nî la̍k-ge̍h tsiah sinn i.

哪吒 坐胎 三年半
老母 心肝
出世 落土 好看
一粒 肉球 蛋單

Lô-tshia tsē-thai sann-nî-puànn,
Hāi in lāu-bó kuah sim-kuann,
Tshut-sì lo̍h-thôo tsiànn hó-khàunn,
Tsi̍t-lia̍p bah-kiû nn̄g-tuann.

哪吒 出世 能行
肉球 內面 應聲
破開 一個 囝仔子
嫌疑 妖精

Lô-tshia tshut-sì to̍h ē-kiânn,
Bah-kiû lāi-bīn tih ìn-siann,
Phuà-khui tsi̍t-ê gín-á-kiánn,
Tsīng hiâm-gî iau-tsiann.

算是 玉帝 至寶
破開 一個 囝仔哥
二項 寶貝 真好
一準 毫光 天河

Sǹg-sī Gio̍k-tè ê tsì-pó,
Phuà-khui tsi̍t-ê gín-á-ko,
Nn̄g-hāng pó-puè sinn tsin-hó,
Tsi̍t-tūn hô-kong thàu thian-hô.

肉球 囝仔身
內面 一條 坤天綾
二項 寶貝 內面
玉虛 賞賜

Bah-kiû lâi pau gín-á-sin,
Lāi-bīn tsi̍t-tiâu khun-thian-lîn,
Nn̄g-hāng pó-puè lāi-bīn,
Gio̍k-tè siúnn-sù tsin.

一个 金箍 巧路
起生 勸致 八卦爐
天兵 天將 保護
元始天尊 金箍

Tsi̍t-ê kim-khoo tsiànn khiáu-lōo,
Khí-sing khǹg-tì pat-kuà-lôo,
Thian-ping thian-tsiòng tih pó-hōo,
Guân-sú-thian-tsun sàng kim-khoo.

哪吒 出世
閣能 講話
一條 紅綾 三朽
哪吒 輕甲頭

Lô-tshia tshut-sì to̍h ē tsáu,
Koh-ē kóng-uē tsiah ū gâu,
Tsi̍t-tiâu âng-lîn áu sann-áu,
Khǹg Lô-tshia king-kah-thâu.

哪吒
一半 歡喜 一半
落土 三日
太乙真人

tsīng sinn tio̍h Lô-tshia kiánn,
Tsi̍t-puànn huann-hí tsi̍t-puànn kiann,
Lo̍h-thôo tsiah ū sann-li̍t tsiànn,
Thài-it-tsin-lîn lâi miâ.

乾元 山頂 金光洞
就是 太乙 仙宗
十二門人 副統
徒弟 開光

Khiân-guân suann-tíng Kim-kong-tōng,
To̍h-sī thài-it ê sian-tsong,
Si̍p-lī-bûn-lîn tsoh hù-thóng,
Lâi siu tôo-tē tsiànn khai-kong.

哪吒 師父 太乙仙
太乙 仙綠
武藝
七歲囝仔

Lô-tshia su-hū Thài-it-sian,
I kah Thài-it ū sian-iân,
i bú-gē tsuân ē piàn,
Tshit-hè-gín-á khah gâu sian.

哪吒 大兄 金吒
木吒 第二名
三個 全是
哪吒 第一 名聲

Lô-tshia tuā-hiann Kim-tshia,
Bo̍k-tshia pâi tē-lī-miâ,
Sann-ê tsuân-sī Tshīng kiánn,
Lô-tshia tuē-it ū miâ-siann.

哪吒 帶在 陳塘府
因為 大暑 身軀
東海 起事
玉帝 靈珠

Lô-tshia tuà-tī Tîn-tông-hú,
In-uī tāi-sú sué sin-khu,
Khì nāu Tang-hái tsiah khí-sū,
Gio̍k-tè ê lîng-tsu.

哪吒 東海港
紅綾 落水
魚蝦 水卒 如滄滄
兵馬 數萬人

Lô-tshia khì kàu Tang-hái-káng,
Âng-lîn lo̍h-tsuí tsuí tuân âng,
Hî-hê tsuí-tsut lû-tsháng-tsháng,
Píng-má hāi sòo-bān-lâng.

哪吒 東海面
東海 紅綾
魚蝦 水卒 歸陣
虛條 手巾

Lô-tshia khì kàu Tang-hái-bīn,
Tsáu khì Tang-hái âng-lîn,
Hî-hê tsuí-tsut kui-tīn,
I iōng hit-tiâu tsuè tshiú-kin.

哪吒 寶綾 落海
水底 下面 滾起來
龍王 宮殿 強卜
親像 山頂 風颱

Lô-tshia pó-lîn hìnn lo̍h-hái,
Tsuí-tué ē-bīn kún--khì--lâi,
Lîng-ông kiong-tiān kiông-beh pāi,
Tshin-tshiūnn suann-tíng tsuè hong-thai.

哪吒 水底 即下
魚蝦 親像 曹溫
算是 龍王 呆字運
隨時 點兵 出來

Lô-tshia tsuí-tué tsi̍t-ē kún,
Hî-hê tshin-tshiūnn beh tso-un,
Sǹg-sī Lîng-ông phiánn-lī-ūn,
Suî-sî tiám-ping tshut-lâi sûn.

乎以 紅綾 一下
魚蝦 歸乾
眾人
龍王 出來

Hōo-i âng-lîn tsi̍t-ē pha,
Hî-hê kah phû kui-ta,
Tsìng-lâng khioh khì tsia̍h kah ,
Lîng-ông kiò ping tshut-lâi tshâ.

龍王 水夜叉
水面 甚麼貨
魚蝦 水卒 即多
逆畜 到一个

Lîng-ông to̍h kiò tsuí-iā-tshe,
Khì khuànn tsuí-bīn siánn-mih-hè,
Hî-hê tsuí-tsut tsiah-tsē,
Khì khuànn gi̍k-thiok tó-tsi̍t-ê?

夜叉 犯趙 龍王令
隨時 起行 不敢
即時 水面頂
哪吒

Iā-tshe hōng-tio̍h lîng-ông-līng,
Suî-sî khí-kiânn m̄-kánn thîng,
Tsik-sî lâi kàu tsuí-bīn-tíng,
Khì hōo Lô-tshia lia̍h tih tsing.

哪吒 七歲 囝仔性
東海 水晶宮
實在 有影 本頂
夜叉 尿

Lô-tshia tshit-hè gín-á-sìng,
Khì nāu Tang-hái Tsuí-tsinn-king,
Si̍t-tsāi ū-iánn tsiànn pún-tíng,
Phah kah iā-tshe liō thîn.

夜叉 一个
一个 消臂
龍宮 救命
虛久 龍王

Iā-tshe phah liáu tsi̍t-ē thiànn,
Tsi̍t-ē siám tsáu suah siau-phiann,
Tsáu li̍p lîng-kiong thó kiù-miā,
Hí-kú Lîng-ông tsiah tsai kiann.

龍王 三太子
哪吒 迎灰
大膽 水府
赶緊 起兵

Lîng-ông kiò i Sam-thài-tsú,
Khì lia̍h Lô-tshia lâi gíng-hu,
Tuā-tánn lâi nāu lán tsuí-hú,
Kuánn-kín khí-ping kah i tu.

太子 隨時 點兵
龜精 好膽 頭前
沙魚 相打
蛤仔 二平

Thài-tsú suî-sî khì tiám-ping,
Ku-tsiann hó-tánn tsuè thâu-tsîng,
Sua-hî sio-phah tián i bíng,
Kap-á khò khak i nn̄g-pîng.

小卷 火狼
歸魚 吹風
蟶仔 一个 蟳廣
海翁 總兵王

Sió-kńg i ē pàng hé-lông,
Kui-hî tián i gâu pûn-hong,
Than-á tsi̍t-ê tsîm-kóng,
Hái-ang tih tsuè tsóng-ping-ông.

白魚 小刀 白雪雪
龍蝦 出戰 鐵叉
蟳仔 腳手
別人

Peh-hî sió-to pe̍h-seh-seh,
Liông-hê tshut-tsiàn thih-tshe,
Tsîm-á khò i kha-tshiú tsē,
Pa̍t-lâng iōng kiânn i iōng .

丁鮸 一枝
水鮎 金鎗 第一
飛鳥
海提 籠捐

Ting-bián tsi̍t-ki thàu kah tshǹg,
Tsuí-tsam kim-tshiunn tē-it tn̂g,
Pe-oo tián tio̍h gâu pe hn̄g,
Hái-thē tsi̍t bôo lâng-sn̂g.

一陣 海加走
水底 斲猴
飛廉 走壁 隨時
拳頭

Iáu koh tsi̍t-tīn hái-ka-tsáu,
Tsuí-tué i siōng tshi̍k-kâu,
Pe-liâm tsáu-piah suî-sî kàu,
Pín bûn pín tián kûn-thâu.

海校 第一 不正子
尫某 相娶 袂行
一个 双條
校靴

Hái-hāu tē-it m̄-tsiânn-kiánn,
Ang-bóo sio-tshuā tsiah buē-kiânn,
Tsi̍t-ê kiàn siang-tiâu miā,
Hōo lâng lia̍h khì khui hāu-hia.

粗皮 厚殼 石降
二蕊 目睭 紅紅紅
鎮動
驚死 石頭空

Tshoo-phuê kāu-khah tsio̍h-kàng,
Nn̄g-luí ba̍k-tsiu âng-âng-âng,
Khuànn lâng kha tshiú tín-tāng,
Kiann-sí tsǹg li̍p tsio̍h-thâu-khang.

鰹仔 第一 大圓代
生命
生成 大圓 鎮海
太子 無愛

Kian-á tē-it tuā-khoo-tai,
sioh sìnn-miā kiann lâng thâi,
Sinn-sîng tuā-khoo kah tìn-hái,
Thài-tsú bô-ài kiò i lâi.

暗串 第一 大圓把
三班 皎家
一項 狗祭
朋友 半个

Àm-tshǹg tē-it tuā-khoo-pé,
Tshut ū sann-pan siōng kiáu-ke,
Thong hái tsit-hāng siōng káu-tsè,
Pîng-iú kau kah puànn-ê.

海鵝 上界 大圓件
就是 爪仔 青驚
勿仔 暖且
曹溫 海平

Hái-gô siōng-kài tuā-khoo-kiānn,
To̍h-sī tsiáu-á siōng tshenn-kiann,
Thong hái but-á siōng nńg-tsiánn,
Tso-un tio̍h kui hái-phiânn.

許蚵 第一 無路用
太子 半丁
歸海 聲應
那準 北國 吳羅兵

Khóo-ô tē-it bô-lōo-īng,
Thài-tsú i sǹg puànn-ting,
Hán tio̍h kui-hái thong siann-ìng,
Nā-tsún Pak-kok gôo-lô-ping.

海鰻 第一 無變
一尾 不時 暖連連
拿着 滾堅
水卒 一个 假仙

Hái-muâ tē-it siōng bô-piàn,
It-bé put-sî nńg-liân-liân,
Hōo lâng lia̍h-tio̍h buē kún-kian,
Tsuí-tsut tsi̍t-ê siōng ké-sian.

烏喉 報定 壁皷

烏煙 北腹
嘴內 嘴圓

Oo-āu pò-tiānn ū piah-kóo,
Tsiah ē tsia̍h kah piàn sin oo,
Oo-ian kánn tsia̍h kui pak-tóo,
Tshuì-lāi oo lâi kah tshuì-khoo.

脫西 第一 無路用
出戰 不敢 頭前
呆運 犯着 國聖
一平

Thuah-se tē-it bô-lōo-īng,
Tshut-tsiàn m̄-kánn kiânn thâu-tsîng,
Pháinn-ūn huān-tio̍h Tēnn Kok-sìng,
Bah khì hōo i tsia̍h tsi̍t-pîng.

芋仔
大沙 親像 犁頭縹
魴仔 一尾 內葉
海參 一條 芎蕉

Ōo-á gâu thiàu kah gâu tiô,
Tuā-sua tshin-tshiūnn lê-thâu-pio,
Hóng-á tsi̍t-bué lāi-hio̍h,
Hái-sam tsi̍t-tiâu king-tsio.

赤宗 帶着
龍王 水晶宮
上書 命令
穿 紅襖 封亭

Tshiah-tsang tuà-tī siōng guā íng,
Kūn Lîng-ông Tsuí-tsinn-king,
Siū tio̍h siōng-si ê bīng-līng,
Sin tshīng âng-ó tshut hong-tîng.

東鏡 著塊 巡掃
水卒 一个 第一
不知 呌是 區區掃
听真 號頭

Tang-kiánn tī-teh tsuè sûn-sàu,
Tsuí-tsut tsi̍t-ê tē-it gâu,
M̄-tsai kiò-sī khù-khù-sàu,
Thiann-tsin tih pûn hō-thâu.

第一 奸臣 大目廣
三分 大奏 龍王
無影無即
太子 先鋒

Tē-it kan-sîn tuā-ba̍k-kòng,
Sann-hun tuā-tsàu tsi̍h Lîng-ông,
Bô-iánn-bô-tsiah ia̍h kánn kóng,
Thài-tsú kiò i niá sian-hong.

角仔 著塊 保長
下斗 二支
禿仔 著塊 剪柳
通海 一項 第一彪

Kak-á tī-teh tsuè pó-tiúnn,
Ē-táu ū lâu nn̄g-ki tshiu,
Thut-á tī-teh tsuè tsián-liú,
Thong-hái tsit-hāng tē-it-piu.

龍王 三個 查某子
金色 鯉魚精
哪吒 壁命
不知

Lîng-ông sann-ê Tsa-bóo-kiánn,
Tsiànn kim-sik lí-hî-tsiann,
Beh kah Lô-tshia i piànn-miā,
M̄-tsai ē su beh iânn.

大個 即有 二一二
西 双鬃 倒眉
穿 珠衣 白薜薜
日月双刀 二枝

Tuā--ê tsiah-ū lī-it-lī,
Thâu se siang-tsang lua̍h tó-bî,
Sin tshīng tsu-i pe̍h-sih-sih,
Li̍t-gua̍t-siang-to nn̄g-ki.

第二 二十歲
西 屈菊 金花
二枝 騎鷄尾
穿 珠衣 晌皮

Tē-lī tsiah ū lī-tsa̍p-huè,
Thâu se khut-kiok tshah kim-hue,
tshah nn̄g-ki khiâ-kue-bué,
Sin tshīng tsu-i kah hiáng-phuê.

第三 十七八
頭鬃
一部 頭鬃尾
三股 閁天叉

Tē-sann tsiah ū tsa̍p-tshit-peh,
Thâu-tsang hiān ū ,
sok tsi̍t-phō thâu-tsang-bé,
Tshiú sann-kóo tu̍h-thian-tshe.

太子 兵馬 原在
哪吒 相刣
二人 愛未 看覓

Thài-tsú ping-má tiám guân-tsāi,
Beh kah Lô-tshia tuā sio-thâi,
Nn̄g-lâng ài-beh tshì khuànn-māi,
Sáng su sáng iânn tsai.

太子 兵馬 到位
魚蝦 水卒 兩面
哪吒 損水
無着 雄威

Thài-tsú ping-má tsiâu kàu-uī,
Hî-hê tsuí-tsut lióng-bīn ,
Lô-tshia tsuè i tih sńg-tsuí,
Khuànn i bô-tio̍h tián hiông-ui.

哪吒 看着 三太子
二个 大展 工夫
囝仔 真正 不驚事
金箍

Lô-tshia khuànn-tio̍h Sam-thài-tsú,
Nn̄g-ê tāi-tián i kang-hu,
Gín-á tsin-tsiànn m̄-kiann-sū,
Tshiú the̍h kim-khoo kah i tu.

哪吒 在在
金箍
太子 犯着 不知害
目前 不知

Lô-tshia tsuè i khiā tsāi-tsāi,
Tshiú the̍h kim-khoo kah i thâi,
Thài-tsú huān--tio̍h m̄-tsāi-hāi,
bo̍k-tsîng tsuân m̄-tsai.

太子 海龍王
大刀 展威風
哪吒 看着 妥當
祭起 金科 耍弄

Thài-tsú ti̍t khò Hái-lîng-ông,
Tshiú lāng tuā-to tián-ui-hong,
Lô-tshia khuànn-tio̍h thò-tòng,
Tsè-khí kim-khoo ka sńg-lōng.

金科 祭起 半空中
壓着
壓着 太子 行相
變出 原形 一尾

Kim-khoo tsè-khí puànn-khong-tiong,
suann teh-tio̍h khah hiông,
Teh-tio̍h thài-tsú ê hîng-siōng,
Piàn-tshut guân-hîng tsi̍t-bé liông.

太子 大聲
魚蝦水卒 圍來
哪吒 一時
打死 一海 魚仔災

Thài-tsú tiòng tuā-siann ai,
Hî-hê-tsuí-tsut kín uî--lâi,
Lô-tshia tsi̍t-sî to̍h tshûn pháinn,
Phah-sí tsi̍t-hái hî-á-tsai.

哪吒 打死 歸陣
太子 龍筋
身軀 三厘
虛久 甘願 起身

Lô-tshia phah-sí kui-tīn,
Suà thài-tsú thiu liông-kin,
Thiu lâi sin-khu sann-lìn,
Hí-kú kam-guān tsiah khí-sin.

哪吒 七歲 東海
龍筋 返來
不知 此條代
水府 龍王 大先

Lô-tshia tshit-hè nāu Tang-hái,
Liông-kin suà ka tuà tńg--lâi,
Tsīng m̄-tsai tsit-tiâu-tāi,
Tsuí-hú Lîng-ông tāi-sing tsai.

龍王 實在 正本等
變做 白面 書生
受氣 快來
水晶宮

Lîng-ông si̍t-tsāi tsiànn-pún-tíng,
Piàn-tsuè pe̍h-bīn ê su-sing,
Siū-khì kín-lâi tshuē Tsīng,
Tuà kiàm kiânn tshut Tuí-tsinn-king.

哪吒 返來 不敢
龍王 遁來 一準
到今 戇戇
龍王 來到

Lô-tshia tńg--lâi m̄-kánn kóng,
Lîng-ông tūn--lâi tsi̍t-tūn hong,
Tsīng kàu-tann gōng-gōng,
Lîng-ông lâi-kàu thiàu kah tsông.

龍王 大氣
無想 當初 朋友情
子兒 不教 放蕩
水晶宮

Lîng-ông tuā-khuì Tsīng,
Bô-siūnn tong-tshoo pîng-iú-tsîng,
Kiánn-lî m̄-kà lâi hòng-tōng,
Tsáu khì nāu Tsuí-tsinn-king.

不信
不知 甚麼 原因
龍王 笑面
只事 探听

Tsīng siūnn m̄-sìn,
M̄-tsai siánn-mih khí guân-in,
Kín Lîng-ông tshiò-bīn,
Tsí-sū hōo guá thàm-thiann tsin.

不知影
龍王 受氣
玉帝 公平
頭一名

Tsīng ka kóng m̄-tsai-iánn,
Lîng-ông siū-khì tsuè i kiânn,
Beh kiò Gio̍k-tè tsuè kong-phiânn,
Khò beh Tsīng thâu-tsi̍t-miâ.

起頭 即知
通知 因某
看見 哪吒 房內
寶劍

Tsīng khí-thâu tsiah-tsai hāi,
Tsáu khì thong-ti in-bóo tsai,
Khuànn-kìnn Lô-tshia pâng-lāi,
Tshiú gia̍h pó-kiàm beh ka thâi.

因某 惜子 要緊
走來 公親
哪吒 前面
父母 安身

In-bóo sioh-kiánn tuā iàu-kín,
Kín tsáu-lâi ka tsuè kong-tshin,
Lô-tshia i kín kuī tsîng-bīn,
Kiò in pē-bú tshiánn an-sin.

哪吒 隨時 土遁
乾元山頂 師尊
師父 命運
即免 父親

Lô-tshia suî-sî tsioh thôo-tūn,
Khiân-guân-suann-tíng mn̄g su-tsun,
Kiò in su-hū khuànn miā-ūn,
Tio̍h tsiah-bián gi̍k hū-tshin.

太乙 不知影
哪吒 乎伊
打死 龍王 第三子
我父 頭名

Thài-it i m̄-tsai-iánn,
Lô-tshia kóng khí hōo-i thiann,
Phah-sí Lîng-ông tē-sann-kiánn,
Beh guá-pē tsuè thâu-miâ.

太乙真人
上天 龍王
看着 加伊
大志 甲大 擔當

Thài-it-tsin-lîn tsiah ka kóng,
khì siōng-thian thìng Lîng-ông,
Khuànn--tio̍h tsiah kā-i kòng,
Tsāi-tsì khah-tuā guá tam-tong.

听起 太乙 免驚
哪吒 一時 寡緊
龍王 坪命
南天門外 龍精

Thiann-khí Thài-it kóng bián-kiann,
Lô-tshia tsi̍t-sî khuánn-kín kiânn,
Beh kah Lîng-ông i piànn-miā,
Lâm-thian-mn̂g-guā siu lîng-tsiann.

寶德門外 等候
哪吒 扒上 聚仙樓
遇着 龍王 尾後
金科 科頭

Pó-tik-mn̂g-guā teh tán-hāu,
Lô-tshia peh-tsiūnn Tsū-sian-lâu,
Gū-tio̍h Lîng-ông tsuè bé-āu,
Tshiú the̍h kim-khoo ka khoo-thâu.

金科 實在 正好
龍王 原形
寶德門外 崑崙頂
哪吒

Kim-khoo si̍t-tsāi tsiànn-hó īng,
Khoo tio̍h Lîng-ông piàn guân-hîng,
Pó-tik-mn̂g-guā Khun-lûn-tíng,
Khì hōo Lô-tshia lia̍h teh tsing.

哪吒 字眼
打倒 龍王 呌聲
隨在 打辦
救救 止春 尺二

Lô-tshia hōng su ê lī-gán,
Phah-tó Lîng-ông kiò-siann,
Kong suî-tsāi i tánn-pān,
Kiù-kiù tsí-tshun tshioh-lī lān.

哪吒 本是 崑崙客
第一 手銃 一个
打倒 龍王 細細
置在 袋內 返回

Lô-tshia pún-sī Khun-lûn-kheh,
Tē-it tshiú-tshìng i tsi̍t-ê,
Phah-tó Lîng-ông pìnn suè-suè,
Tì-tsāi tē-lāi tsiah tńg-huê.

哪吒 本等 仙界
回返來
返內 放在 廳內
走去 通知 因父

Lô-tshia pún-tíng tsiūnn sian-kài,
Tshiú lia̍h Kong huê-tńg--lâi,
Tńg-lāi pàng-tī i thiann-lāi,
Tsáu-khì thong-ti in-pē tsai.

哪吒 廳頂
真久 原形
囝仔 無路用
看破 回家 水晶宮

Lô-tshia pàng Lîng thiann-tíng,
Tsin-kú i tsiah piàn guân-hîng,
Pîn gín-á bô-lōo-īng,
Khuànn-phuà huê-ka Tsuí-tsinn-king.

一時 大受氣
假意 柴仔 一枝
那不 專心 寫字
打倒 腳魁 手折

Tsīng tsi̍t-sî tuā-siū-khì,
Ké-ì tshâ-á gia̍h tsi̍t-ki,
Nā-m̄ tsuan-sim o̍h siá-lī,
Phah-tó kha-khuê kāng tshiú-tsi̍h.

哪吒 出門 搶事
乾元 太乙師
返來 總兵府
寫字 仁慈

Lô-tshia tshut-mn̂g ài tshiúnn-sū,
Khiân-guân Thài-it-su,
Tńg--lâi khùn tsóng-ping-hú,
Kiò i siá-lī o̍h lîn-tsû.

哪吒
城樓 勅桃
看見 樓上 一件
賞賜 功勞

Lô-tshia khùn sin ,
Tsáu tsiūnn siânn-lâu khì thit-thô,
Khuànn-kìnn lâu-tsiūnn tsi̍t-kiānn ,
Siúnn-sū Tsīng li̍p kong-lô.

樓頂 一枝 震天箭
天廷
千斤 本等
城內 才情

Lâu-tíng tsi̍t-ki tsín-thian-tsìnn,
Hiòng siōng tsiā Tio̍h thàu thian-tîng,
Beh khui tshian-kun ê pún-tíng,
Siânn-lāi lâng hiah tsâi-tsîng.

下本 
回前頁